بناتي للكاتب محمد مالك
حلو اوي يا ماما .. دا عصير ايه ده !
صفحة محمد خلف صالح.. تقرا القصة كانك تشاهدها بعينك
ام نيفين .. السفرجي قال اسمه ايه ! اه .. عصير جريب فروت
سعاد .. وعبارة عن ايه الجريب فروت ده يا ماما !
ام نيفين .. وانا ايشعرفني !
نيفين .. اومال طلبتيه ليه وانتي مش عرفة دا عبارة ايه !
ام نيفين .. وانا مالي .. مش السفرجي جه قدامكم وقال تشربوا ايه وسألته عندك ايه بتشرب راح قال كذا حاجة كده .. مفهمتش منهم غير كلمة جريب فروت !! ف رحت قلتله هاتلنا عصير جريب فروت .. بس علي ما اظن هي فاكهة وكده يعني
ام نيفين .. هنعمل ايه طب يابنتي .. ربنا خلقنا فقرا .. نحمده علي كل حال
سعاد .. اوحش حاجة في الدنيا الفقر !! ربنا يخلصنا منه بقي .. عشان انا خلاص اتخنقت !!
ام نيفين .. ربنا يسهل ويوافق ياخدكم عنده .. اهو تبقي طاقة القدر واتفتحتلنا انا وانتم ونقب بقي علي وش الدنيا
سعاد .. بس ايه صور البنات الكتيرة اوي دي اللي معلقها في كل حته !
نيفين .. وكلهم ايه بقي .. ملكات جمال !! بسم الله ما شاء الله
ام نيفين .. دول اكيد البنات اللي بيربيها عنده
نيفين .. بس هما فين انا مش شايفة اي بنات هنا في القصر !
نيفين .. بس عشان شكله نازل
وينزل فؤاد من الطابق الاعلي متوجها نحو ام نيفين وبناتها ويحمل كالمعتاد القط جيمي المكبل بالقيود وعندما ينظر الي بناتها يصيبه الاشمئزاز لقباحة منظرهم ويبدوا ذلك علي وجهه
ام نيفين .. ما هو ده اللي انا عاملة حسابة وخاېفة منه !
نيفين لا تفهم مقصد امها .. قصدك ايه !
ويقترب فؤاد منهم وعندما تراه سعاد بهذا الشكل البشع تصرخ قائلة
سعاد .. يا ماما ..
ام نيفين .. مالك يا بت في ايه !
سعاد .. الراجل ده وحش اوي !!
ام نيفين .. عيب يا كلبة انتي .. فيه حد يقول كده برضوا ! انا اسفة يا بيه
سعاد .. اسمي سعاد
فؤاد .. وانتي يا امورة اسمك ايه
نيفين .. اسمي نيفين
فؤاد .. تمام .. تمام
ام نيفين ..دول بناتي ايه رأيك فيهم بقي !
فؤاد .. كويسين ما شاء الله
فؤاد .. لا للأسف .. اظن انك بعتيلي صورهم ع الماسنجر وانا قلتلك مش هينفعوا !!
ام نيفين .. ليه بس ! مش عاجبينك ولا ايه !
فؤاد .. بالعكس دول لطاف جدا .. بس انتي عارفة ذوقي كويس .. انا لسة مواصفات معينة في البنت اللي انا عايزها وانا شرحتهالك قبل كده
ام نيفين .. ايوه شرحتهالي فعلا .. بس انا قلت يمكن لما تشوفهم ع الطبيعة يعجبوك وتوافق تتكفل بيهم
فؤاد .. انا بعتذر بجد
ام نيفين .. لا علي ايه حضرتك .. انا اللي حظي نحس دايما .. يلا ملناش نصيب بقي
فؤاد .. اعملي انتي بس اللي قلتلك عليه وانا هابسطك اوي
ام نيفين .. عنيا حاضر .. حضرتك اللي بتطلبه مني انا بعمله وان شاء الله مش هيعدي الاسبوع الا وبنات رضوي هيكونوا عندك هنا في القصر
فؤاد .. تمام .. تمام
نيفين .. قلي يا عمو هو حضرتك البنت دي كلها عندك هنا في القصر بتربيها !
فؤاد .. ايوا
نيفين .. دول بنات كتير اوي !! طب هما فين ! انا مش شايفة حد منهم ولا سامعه حتي صوت واحدة منهم !
فؤاد .. هما نايمين
نيفين .. نايمين ولا ميتين ! اصل حضرتك حاطط شريطة سودا علي كل صورة منهم .. ودي بيحطوها علي صور الميتين علي ما اظن !
فؤاد يغضب .. لا نايمين قلتلك !!
نيفين .. اها .. طيب .. طب حضرتك ليه رابط رجلين القط ده ! ده حتي حرام انت كده بتعذبه !
ام نيفين .. خلاص يا نيفين بقي !!
فؤاد .. سيبيها براحتها .. عندك حق هو المفروض ما اربطوش بالشكل ده .. بس اعمل ايه لو فكيت قيوده هايسيبني ويطفش !!
نيفين .. ليه هو مش القط بتاعك !
فؤاد .. ايوه القط بتاعي طبعا
نيفين .. طب هيطفش ويسيبك ليه بقي الا اذا كنت بتعاملة معاملة مش كويسة !! عشان كده عايز يهرب
فؤاد .. بالعكس .. انا بعاملة احسن معاملة .. احسن اكل واحسن شرب وجايبلة دكتور مخصوص عشان يعتني بيه .. بس للأسف واطي وقليل اصل !!
نيفين مندهشة .. ايه ! اول مرة اسمع ان فيه قط بالصفات دي !!
صفحه محمد خلف صالح.. اول اسم في بحث فيسبوك
فؤاد .. زي ما البني آدمين فيهم الاصيل وفيهم الخثيث .. برضوا الحيوانات فيهم الاصيل وفيهم الخثيث !!
نيفين .. طب معلش يعني .. هو فيه الصفات دي ليه حضرتك محتفظ بيه !
فؤاد .. لأني بحبه ومقدرش استغني عنه .. ولأنه كمان نوع نادر جدا من القطط وغالي اوي كمان
نيفين .. اها .. عشان كده .. بس انا شايفة انه مسكين جدا ومسالم اهوه .. ممكن اشيلة بعد اذنك
فؤاد .. اتفضلي طبعا
وتمسك نيفين بالقط وتمسح بيدها علي رأسه فيشعر بالحنان ويغمض عينية
نيفين .. حرام عليك يا عمو .. بقي
ده قط وحش ! بعد اذنك انا هفك الرباط ده انا مش قادرة استحمل اشوفه بالمنظر ده
ثم تفك قيودة وفجأة يزوم القط ويهجم علي وجه نيفين ليمزقه بمخالبه تاركا چروح متفرقة علي وجهها
نيفين تصرخ .. الحقيني يا ماما .. اه
الام تحاول ابعاد القط الهائج عن وجه ابنتها
ام نيفين .. ابعد عن البنت ېخرب بيتك !!
نيفين .. اه يا وشي .. ده عورني جامد ېخرب بيته !! فعلا قط غدار !!
فؤاد يضحك ساخرا .. ههههههه .. مش قلتلك انتي واطي وخثيث !!
نيفين .. هو فعلا كده !! يلا بينا يا ماما
ام نيفين .. انتي اتعورتي جامد يا بنتي !! ايه قط مسعور ده ولا ايه !
وبعد ان تنصرف ام نيفين وبناتها .. القط يجري نحو فؤاد ليحمله علي يده ويمسح علي رأسة قائلا .. برافو يا جيمي ..
ماذا حدث بعد ذلك
ام نيفين تعود الي منزلها بعد زيارتها ل فؤاد وحدث ما حدث لأبنتها نيفين .. الام تطهر الچروح التي في وجه ابنتها بالمطهر ونيفين تتألم من تلك الچروح
نيفين .. اه .. بالراحة يا ماما والنبي
ام نيفين .. معلش يا نيفين استحملي شوية
نيفين .. استحمل ايه بس يا ماما ! انا وشي بقي شوارع
ام نيفين .. قط مسعور ابن اللذين ده !
نيفين .. مع انك لما تشوفيه تقولي عليه هادي وغلبان !! قليلي هي الحاجات دي لما تخف هاتسيب اثر في وشي !
ام نيفين .. ان شاء الله لا
نيفين .. دي تبقي مصېبة لو سابت اثر في وشي !! منك لله يا بعيد .. علي فكرة اللي اسمه فؤاد ده انا مش مرتحاله
ام نيفين .. مش مرتحاله ليه !
فؤاد .. راجل غامض كده وتصرفاته غريبة !! وبعدين ايه صور البنات دي كلها اللي مالي بيها حيطان القصر بتاعه والعجيب ان كلهم اموات !!
ام نيفين .. وانتي عرفتي ازاي انهم اموات !
نيفين .. من الشريطة السودا اللي الموجودة علي كل صورة منهم
ام نيفين .. بس انتي سألتيه عنهم وقالك انهم نايمين !
نيفين .. نايمين ايه بس ياماما ! انتي صدقتي الكلام ده !
ام نيفين .. وهو هيكدب ليه بس يا بنتي !
نيفين .. لا بيكدب .. صدقيني الراجل ده دحلاب ومش ساهل !!
ام نيفين .. عيب الكلام ده !!
نيفين .. دي الحقيقة والايام واللي يحيرك اكتر اشمعني كلهم ملكات جمال ! عشان كده رفض ياخدنا عنده لأن جمالنا عادي جدا مش هو اللي بيدور عليه .. هو كان عايزنا زي بنات طنط رضوي
ام نيفين .. وهي فين رضوي دلوقتي ! ربنا يشفيها وتخرج من المكان اللي هي فيه بالسلامة
نيفين .. يارب .. انتي عرفة بعد ما قابلت الراجل ده .. لو كان وافق انه ياخدنا عنده .. انا كنت رفضت !!
ام نيفين .. اتنيلي بس .. هو انتي تطولي !
نيفين .. لا مش عاوزة اطول ياختي .. انا كده كويسة اوي .. كفاية اللي حصل لوشي بسبب القط المتوحش بتاعة
ام نيفين .. اهو ما اخديش لا انتي ولا اختك .. اسكتي بقي .. طول عمركم فقر زي ابوكم !!
ونذهب الي رضوي والتي ما زالت تمكث داخل المصحة النفسية حيث اصابها الهزال والضعف بسبب المهدئات التي تتناولها يوميا وقلة تناولها للطعام .. والطبيب يدخل اليها للأطمئنان عليها ..فيلاحظ ان طعام الافطار كما هو فيندهش
الطبيب .. صباح الخير يا مدام رضوي
رضوي .. صباح النور
الطبيب .. ايه ده !! ده الاكل زي ما هو ! انتي لسة مفطرتيش ولا ايه !
رضوي .. ماليش نفس
الطبيب .. لا مينفعش الكلام ده يا مدام رضوي .. احنا كده ممكن ندخل في مشكلة تانية وبعدين انتي بتاخدي علاج قوي ولازم تاكلي كويس ..
رضوي .. ماليش نفس اكل حاجة خالص !!
الطبيب .. معلش اضغطي علي نفسك شوية وبعد كده الامور هترجع لطبيعتها ان شاء الله .. بعد اذنك افحصك بس
الطبيب يفحص عيناها بالنظر اليهما ثم بعد ذلك يضع السماعة علي قلبها ليسمع دقاته .. ثم يقول
الطبيب .. ارتاحي بس عشان اقيس الضغط بتاعك
ثم يقيس لها الضغط ثم يقول
الطبيب .. الامور تمام الحمد لله .. بس وشك باهت شوية وده بسبب قلة الاكل طبعا .. انا هاكتبلك علي شوية فيتامينات بس لازم تاكلي يا مدام رضوي
رضوي .. انا عايزة اخرج من هنا من فضلك
الطبيب .. طب مش لما حالتك تتحسن الاول !
رضوي .. انا خلاص بقيت كويسة
الطبيب .. انتي زهقتي مننا ولا ايه !
رضوي .. لا .. بس عايزة ارجع بيتي وشغلي ..
